SSC Recruitment 2023 : देशभरात एसएससी अर्थातच स्टाफ सिलेक्शन कमिशन किंवा कर्मचारी निवड आयोगाच्या भरतीची उमेदवार आतुरतेने वाट पाहत असतात. देशभरात स्टाफ सिलेक्शन कमिशनच्या भरतीसाठी लाखो विद्यार्थी तयारी करत असतात.
दरम्यान या देशभरातील लाखो विद्यार्थ्यांसाठी एक अतिशय महत्त्वाची आणि आनंदाची बातमी समोर आली आहे. ती म्हणजे स्टाफ सिलेक्शन कमिशन मध्ये विविध रिक्त पदाच्या 1200 हून अधिक जागांसाठी नुकतीच भरती काढण्यात आली आहे.
यासाठी स्टाफ सिलेक्शन कमिशनने नुकतीच अधिसूचना निर्गमित केली असून यासाठी अर्ज प्रक्रिया सुरू करण्यात आली आहे. अशा परिस्थितीत आज आपण स्टाफ सिलेक्शन कमिशनने काढलेल्या या पदभरती बाबत सविस्तर अशी माहिती अगदी थोडक्यात जाणून घेण्याचा प्रयत्न करणार आहोत.
कोणत्या पदांसाठी होणार भरती
स्टाफ सिलेक्शन कमिशनमध्ये स्टेनोग्राफर या पदाच्या ग्रेड सी आणि ग्रेट डी मधील रिक्त जागा भरल्या जाणार आहेत.
किती पदांसाठी होणार भरती
एसएससीने काढलेल्या अधिसूचनेनुसार सदर पदाच्या एकूण 1207 रिक्त जागा भरल्या जाणार आहेत.
आवश्यक शैक्षणिक पात्रता
या पदासाठी बारावी पास उमेदवार पात्र राहणार आहे. पण उमेदवाराने मान्यताप्राप्त शैक्षणिक संस्थेतून शिक्षण घेतलेले असणे आवश्यक आहे.
या पदासाठी किमान 18 वर्षे वय असलेला उमेदवार अर्ज करू शकणार आहे. तसेच कमाल 30 वर्ष वय असलेल्या उमेदवार या पदासाठी पात्र राहणार आहे. अर्थातच 18 ते 30 वर्षे वयोगटातील उमेदवार या भरतीसाठी आपला अर्ज सादर करू शकणार आहे.
अर्ज कुठे करावा लागणार
या भरतीसाठी इच्छुक आणि पात्र उमेदवारांना ऑनलाइन पद्धतीने अर्ज करायचा आहे. ssc.nic.in या स्टाफ सिलेक्शन कमिशनच्या अधिकृत संकेतस्थळावर जाऊन इच्छुक आणि पात्र उमेदवारांना आपला अर्ज सादर करता येणार आहे.
अर्ज करण्याची शेवटची दिनांक
येत्या दोन दिवसात अर्ज करण्याची मुदत संपणार आहे. अर्थातच 23 ऑगस्ट 2023 पर्यंत या भरतीसाठी इच्छुक उमेदवारांना अर्ज सादर करता येणार आहे.
निवड कशी होणार
या भरती अंतर्गत सदर पदासाठी संगणकीय आधारित परीक्षा आणि कौशल्य आधारित परीक्षा घेऊन उमेदवाराची निवड केली जाणार आहे. या पदासाठी 12 आणि 13 ऑक्टोबर 2023 पासून संगणकीय आधारित परीक्षा होणार आहे.